Tre menn er sakna og ein er funnen omkommen etter at
.Mennene skal vera frå Polen og var på ferie i Etne, der dei leigde hytte og båt i Osvågen av Odda Kjemiske Arbeiderforening.
– Eg kom til hytteområdet i går. Det var første feriedag, men det blei ikkje nokon hyeggeleg dag, seier Einar Mikkelsen, leiar i Odda Kjemiske Arbeiderforening, til NRK.no.
Trivdes godt i Etne
Han hadde prata med mennene frå Polen nokre dagar tidlegare og fortel at dei er hyggelege og rolege menn, som er glade i å fiska.
– Det var litt vanskeleg med språk og slikt, men me greidde å forstå kvarandre på gebrokken tysk, fortel Mikkelsen.
Etter det Mikkelsen kjenner til var det seks menn frå Polen som leigde hytta. Dei skal ha vore på ferie i Etne og trivdes så godt at dei hadde spurt om dei kunne bli der litt lenger.
– Det er tolk og kriseteam på plass her no, som tar seg av dei som er igjen her, seier Einar Mikkelsen.
– Håpar dei tre siste er i live
Odda Kjemiske Arbeiderforening har for tida i underkant av 20 gjestar i hytteområdet sitt i Osvågen. Dei andre gjestene er prega av det som har skjedd.
– Det var uavklart korleis det gjekk med mennene når me la oss i går, og det var nok ein del som hadde problem med å sova. I dag er det er ein veldig dempa og roleg stemning her, seier Mikkelsen.
Redningsaksjonen etter dei tre som er sakna pågår framleis.
– Me håpar dei tre siste er i live, sjølv om det kan sjå dårleg ut, seier Einar Mikkelsen.