Elbilsalet i Norge har tatt av det siste året, viser tal frå Opplysningsrådet for Veitrafikken.
I snitt køyrer det omtrent dobbelt så mange elbilar på norske vegar i år, samanlikna med same tid i fjor.
I Hordaland er det dobbelt så mange elbilar på vegane nå som på same tid i fjor.
Best i verda akkurat nå
Tom Sverre Tomren kjøpte seg ein elbil som er like god, men billegare i drift enn ein vanleg besninbil.
Foto: Karoline Kalstveit / NRK
Mange kommunar har kjøpt seg elbilar og bidrege til høgt elbilsal.
Foto: Gunnar Sandvik / NRKNordmenn er best i verda på å kjøpa elbil akkurat nå. I februar utgjorde elbilar 2,7 prosent av det totale bilsalet.
– Om vi ser på talet på elbilar som del av det totale bilsalet så var vi faktisk best i verda med veldig god margin, fortel Ole Henrik Hannisdahl i interesserorganisasjonen Grønn bil.
Han meiner det er to grunnar til elbil-eksplosjonen:
– Det eine er at vi i Norge har verdas beste rammevilkår for elbilar. Dei køyrer gratis i bomringer, dei kan parkera gratis på offentlege plassar og det er verken importavgift eller moms på elbilar. På den andre sida ser vi at store bilprodusentar som Nissan, Mitsubishi, Peugeot, Citroen og andre nå faktisk kjem med elbilar i butikken, seier Hannisdal.
- SAMANLIKN ELBILANE I NORGE:
Løyser luftforureininga
Det er politisk semje frå Rødt til Frp om å få opp talet på elbilar i Norge. I Hordaland har politikarane til dømes mål om 20 prosent elbilar innan 2020. Men sjøl om talet har stige det siste året, er status i dag 0,3 prosent.
– Eg er overtydd om at dette er ein del av løysinga på luftforureiningsproblema i Bergen, Oslo og Trondheim. Det er ingen ulemper med å ha denne bilen. Den er billegare i drift og om det offentlege legg til rette for at den kan ladast og parkerast er det fullt mogleg å nå målet om 20 prosent, seier Tomrem.
Hannisdahl seier politikarane nå må tørra å satsa:
– Dersom ein skal få ei så rask innfasing som det blir lagt opp til må politikarane også vera villige til å prioritera elbilen.
Innholdet som skulle vises her støttes dessverre ikke lenger.
– Her manglar ingenting
Tom Sverre Tomren i Miljøpartiet de grønne har nyleg kjøpt seg elbil. Hans Nissan leaf er like stor og komfortabel som ein VW Golf.
– Her manglar det ingenting. Det er som ein heilt standard bil. Førstegenerasjonsbilane hadde jo litt dårlig teknologi. Det er derfor eg venta heilt til 2011 med å kjøpa elbil, fortel Tomrem.
Betre standard og levetid skal óg vera hovedgrunnen til at det nå rullar 6587 elbilar på norske vegar.