Rundt 50 menneske tente lys og heldt rundt kvarandre på kulturhuset.
– Det var her Alexander tok sine første symjetak som 4-åring, så det kjendest naturleg å samlast her. Me er alle veldig stolte av han. Alexander var Øygarden sin ambassadør, fortel Mats Haugstad Blomvågnes.
Egil Hjortland, prostiprest i Vesthordland prosti.
Foto: Anders Ekanger/NRKHeidrar ein eldsjel
Øygarden Røde Kors tok kontakt med ordføraren i kommunen like etter meldinga om at Alexander Dale Oen var gått bort.
– Me hadde veldig lyst til å ha ope hus i dag. Alle er i sjokk og opplever eit tomrom. Det er utruleg, utruleg trist at han har gått bort, fortel Tina Rykkel Blom.
– Eg vil hugsa han som ein stor eldsjel både for idretten og for ungdommen. Han var eit førebilete for mange.
– Viktig å koma saman
Blomvåg kyrkje opna dørene klokka 17 tysdag ettermiddag.
– Kyrkja er open for alle som ynskjer det. Dette er tragisk først og fremst for hans næraste familie, men også for miljøet her og vener av han. Vårt råd i ein slik situasjon er å koma saman og ta vare på kvarandre, fortel Egil Hjortland, som er prostiprest i Vesthordland prosti.
Mange tente lys til minne om Alexander Dale Oen.
Foto: Siri Kleiven Strøm/NRK
