I dag baserer AMK-sentralen seg kun på det innringar fortel, men i framtida vil det også vera mogeleg å sjå det som skjer, meiner forskarar ved Universitetetssykehuset Nord-Norge.
- Me har sett på om ein i akuttmedisinske situasjonar kan bruka videosamtalar for å ringa til medisinsk nødtelefon 113, fortel forskar Stein Roald Bolle.
Reporter Gunhild Agdesteen
Han forklarer at du ved hjelp av videokameraet på mobiltelefonen skal kunne filme ved til dømes ein ulukkesstad.
- Når helsepersonell kan sjå pasienten via telefon, kan dei gje betre hjelp i tidskritiske situasjonar. Det er lettare å koordinera aktivitetar, og folk kjenner seg tryggare når dei kan bli sett av helsepersonell som dei får råd og rettleiing frå, seier Bolle.
Kan gje betre råd
Seksjonsoverlege ved akuttmedisin på Haukeland sjukehus, Guttorm Brattebø, støttar forskaren.
- Det handlar om å formidla ein situasjon, der det å kunna sjå korleis pasienten ser ut og korleis det ser ut i området, kan hjelpa dei som sit på AMK-sentralen til å gje meir fornuftige råd, meiner seier han.
Mange gjer feil
På AMK-sentralen ved Haukeland trur sjukepleiar Modulf Amundsen at videosamtale kan bidra til å redda liv.
- Nokre trur kanskje dei har gitt riktig førstehjelp, men så har dei ikkje gjort det skikkeleg. Då kan me korrigera, seier Amundsen.
ER VIDEOSAMTALE EIN GOD IDE?