Politiet gjennomførte onsdag kveld UP-kontroll i Ytrebygda i Bergen. Ein motorsyklist blei i 21-tida stoppa i 116 km/t, på ein stad der grensa er 60.
– Det var litt heftig kan du seia, så han må belaga seg på ein tur i retten, seier operasjonsleiar Terje Hilland i Hordaland politidistrikt.
Motorsyklisten som blei stoppa var ein 28 år gammal mann. Førarkortet hans blei beslaglagt.
– Førarkortet ryk ved 86 km/t, opplyser Hilland.
Motorsyklisten skal ha vore den einaste som blei tatt i fartskontrollen.