Hopp til innhold

Kvinne frå Vaksdal omkom i trafikkulykke

Kvinne frå Vaksdal omkom i trafikkulykke på E16 ved Stanghelle torsdag kveld.

Trafikkulykke ved Stanghelle

Politiet oppretta ein samlingsstad i tunnelen like ved ulykkesstaden.

Foto: Remi Presttun/tipsbilder.no

Politiet opplyser fredag ettermiddag at den omkomne er 46 år gamle Kristin Bildøy Boge frå Vaksdal.

Fekk sleng på hengaren

– Ulykka skjedde då ein trailer på veg mot Voss fekk sleng på hengaren, og denne traff ein personbil som kom i motsatt retning, seier operasjonsleiar Bjarne Flokenes ved Hordaland politidistrikt til NRK torsdag kveld.

Ulykka skjedde ved Steganestunnelen på E16.

Både ambulanse, brannvesen og politi blei sendt til staden då meldinga om ulykka kom inn klokka 19.10.

Ingen andre personar skal vera skadde i ulykka, ifølgje Flokenes.

Lenge stengt

– E16 er stengt i begge retningar ved ulykkesstaden. Vi har fått beskjed om at vegen kan bli stengt lenge, sa vaktoperatør Eli Solberg ved Vegtrafikksentralen i Bergen til NRK.

Vegen opna igjen klokka 23.22.

Fram til då var einaste omkjøringsvegen fylkesveg 7 gjennom Hardanger.

Innholdet som skulle vises her støttes dessverre ikke lenger.