- Me har sett tilfelle av multiresistent lakselus. Det er eit problem me har sett i fleire delar av landet, men det er spesielt i Hordaland, seier Brit Hjeltnes, fagdirektør ved Veterinærinstituttet.
Dei gamle kjemikalia tar ikkje lenger livet av dei stadig meir motstandsføre lakselusene. Mange må derfor nytta sterkare middel for å fjerna lusa frå laksen. Bruken av stoffet hydrogenperoksid auka frå 300 til nærare 5000 tonn i fjor.
Hjeltnes er sterkt uroa over situasjonen.
- Hydrogenperoksid er ikkje eit legemiddel på lik linje med dei andre, men eit kraftig etsande kjemikale. Det er krevjande å jobba med, ein må bruka store mengder, og det er veldig dyrt, fortel ho.