Kirsten Melkevik Otterbu sprang over målstreken 11 minutt etter beste jente i dagens maraton i EM i Barcelona. Trenar Stephan Plätzer er godt nøgd med Otterbu som nådde mål etter 2 timar og 42 minutt.
- Ho har slått mange sterke jenter
Plätzer meiner Otterbu presterte svært godt i dagens konkurranse ut frå føresetnadene.
- Den største utfordringa i dag har nok vore å takle varmen. I tillegg har ho hatt problem med ein litt vond fot, seier Plätzer.
Trenaren trur òg at det har vore vanskeleg for Otterbu å stille i EM utan trenar med seg.
Sprang dobbelt så fort i andre del
Otterbu starta løpet noko varsamt, men i den andre delen av maratonen sette ho inn støtet.
- Ho gjorde alt riktig, slik som ho skulle. Me hadde planlagt at ho skulle ta det med ro i byrjinga. Det var mange jenter som gjekk på ein smell fordi dei byrja for hardt.
Halvveges i løpet var Otterbu nummer 36, men sprang seg opp til 19. plass i andre delen.
- No skal Kirsten få kvile av seg EM før me byrjar oppkøyring mot haustmaraton i slutten av august, seier Plätzer.