LSD-mannen fengsla i fire veker

Politiet fekk medhald i retten i at det er grunn til å mistenkje at mannen er sentral i narkotika-omsetjinga i Tysnes.

Sentral i narko-sal

Kjelder NRK Hordaland har vore i kontakt med i dag seier også at dei trur dei store mengdene narkotika ikkje berre var meinte for salg på øya Tysnes, men for eit større område.

– Retten gav politiet medhald i at det er fare for tap av bevis, difor vert mannen halden i varetekt i fire veker, opplyser jourhavende politijurist Rudolf Christoffersen til NRK Hordaland.

Mannen sit fengsla med brev- og besøkskontroll.

LES OGSÅ: Stort LSD-beslag i Tysnes

Ransakinga heime hos mannen var gjennomført som eit resultat av andre saker lensmannen i Tysnes har jobba med i seinare tid.

Fleire personar er pågripne i seinare tid for kjøp og bruk av narkotika. Opplysningar lensmannen har funne fram til i desse sakene tyder på at 34-åringen er svært sentral i den illegale omsetninga i Tysnes.

Lensmannen i Tysnes vil ikkje kommentere denne saka overfor media.

Blåvalium og Amfetamin

Då politiet slo til heime hos mannen torsdag denne veka fann dei store mengder stoff.

300 LSD-tablettar er eit stort kvantum, også på landsbasis. I hele 2009 beslagla norsk politi 589 doser LSD fordelt på 27 beslag, viser tall fra Kripos.

I tillegg var det funne fleire hundre tablettar blåvaluim og eitt gram amfetamin hos mannen.

Åtvarar mot LSD

Politiet advarer spesielt mot LSD.

– LSD vert rekna som svært farleg. Blant anna fordi det gir ein svært uforutsigbar rus, seier politijuristen.