28-åringen som torsdag vart funnen skuldig i å ha tatt livet av Rebecca Rist i Åsane i Bergen, vart i dag dømt til ti års fengsel utan vilkår, då ankesaka vart avslutta i Gulating lagmannsrett.
Det er to år mindre enn det aktor meinte mannen burde ha fått.
- Tiltalte må dømmast til 12 års fengsel, sa aktor, statsadvokat Randi Gabrielsen, då ho tidlegare i dag la ned påstand om straffeutmålinga.
28-åringen vart dømt til 12 års fengsel då saka tidlegare var oppe i Bergen tingrett.
Den gongen vart saka anka til Gulating lagmannsrett.
Ankar dommen
28-åringen sin forsvarar Eirik Nåmdal seier han kjem til å anka dommen.
Han håpar på ny behandling i Høgsterett.
I prosedyren sin tidlegare i dag gjekk forsvararen inn for ni års fengsel, med bakgrunn i at klienten hans vart funnen skuldig på torsdag.
Står på sitt
28-åringen som torsdag for andre gong vart funnen skuldig for drapet på Rebecca Rist fekk siste ord i retten i føremiddag.
Mannen står fast på at han mener han ikkje er skuldig.
- Eg vil berre gjenta at eg er uskuldig dømt for drapet på Rebecca Rist, det er noko juryen og lagretten må leva med resten av livet, sa 28-åringen til lagmannsretten.
Må betala oppreising
Den drapsdømte 28-åringen må i tillegg til fengselstraffa betala 120.000 kroner i oppreising til dei pårørande.
Tidlegare i dag sa bistandsadvokaten til Tove Sissel Rist, mora til Rebecca Rist, at ho krevde 200.000 kroner i oppreising.
LES ÒG:
LES ÒG: