– Vi har sikta ei 37 år gamal kvinne som bur i Loddefjord. Nøyaktig kor mange brannar ho står bak, har vi ikkje full oversikt over, men det er snakk om minst 10 til 15, seier politiinspektør Tore Salvesen.
LETTA POLITIINSPEKTØR: Vi er veldig glade for at folk endeleg kan kjenna seg trygge i Loddefjord, seier Tore Salvesen.
Foto: NRK
Har vore mistenkt lenge
– Det har føregått ei massiv etterforsking, og den sikta kvinna har vore inne hos oss fleire gonger.
– Har ho sagt noko om kvifor ho har vald å tilstå?
– Ho har nok kjent presset ganske sterkt om å tilstå ganske sterkt etter gjentatte rundar med avhøyr hos oss, seier han.
– Vi har som sagt samla ei rekkje opplysingar om dette, og kvinna har blant anna visst om ting om somme av brannane som berre ein eldspåsetjar kan ha visst.
– Folk kan kjenna seg trygge no
LODDEFJORD: I desse blokkene i bydelen har det vore over ti brannar dei siste vekene. No er brannstiftaren altså tatt.
Foto: NRK– Det vi er mest glade for, er at folk i Loddefjordvegen no kan kjenna seg trygge att.
Det seier Salvesen, som dei siste månadane har hatt kontakt med fleire skremte bebuarar.
– Vi er rett og slett glade for å fortelja at denne personen, som har skapt redsle i nabolaget, no er tatt.
Vil ikkje ut med motivet
Ifølgje Salvesen er det snakk om ein omfattande og alvorleg siktelse.
Kvinna skal ha tent på fleire oppslagstavler, bunkar med reklame, ei barnevogn, ein husvegg, barnevernstenesta i Loddefjord sine lokaler og i tillegg gjort skadeverk på barnevernet sine køyretøy.
– Har ho sagt noko om kvifor ho har gjort dette?
– Ja, ho har sagt kva som er motivet for brannane, men det er for tidlig for oss å gå ut med.
Så tidlig i etterforskinga veit vi ikkje om det er andre personar vi bør ta inn til avhøyr, seier Salvesen.
Sjå TV-reportasje om bransntiftar i Bergen Vest under.
Frykter brannstiftere i Bergen vest