– Me kan ikkje ha det slik. Folk er redde.
Det seier Marie Torgersen frå Vaksdal mellom Bergen og Voss, og legg til:
– Og hadde dette vore på austlandet, så hadde me ikkje hatt det slik heller! Då ville området vorte sikra betre for lenge sidan.
No krev ho og resten av bygdefolket at noko vert gjort for å sikra den rasutsette vegstrekninga. I løpet av dei to siste vekene har sju ras gått på E 16, hovudvegen mellom Voss og Bergen.
Usikkert når vegen kan opna
I ei pressemelding torsdag ettermiddag seier Statens Vegvesen at dei har starta reinsking av området. Det er sendt opp fjellklatrarar saman med geolog for å sjå nærare på fjellsida. Når vegen igjen kan opnast, er det ingen som veit.
LES ÒG:
|