Det skriv Bergens Tidende i dag.
Sikre kjelder i regjeringsapparet har ifølgje BT fortalt at det kjem oppstartsmidlar til vegprosjektet innan 2018.
Med byggestart i 2017 kan ny firefeltsbru stå klar rundt 2021.
– Vi får nok smøra oss med tolmod i eit par dagar til før vi kan sei kva som kjem og ikkje kjem i transportplanen. No er det få timar att, og vi tel ned til vi kan presentera fasiten. Eg gler meg til ein stor dag, seier kommunal- og regionalminister Liv Signe Navarsete (Sp) til BT.
Høgste prioritet
Til no har sambandet lagt langt fram i tid i dei nasjonale transportplanane, men skal no vera inne i første periode som strekk seg frå 2014 til 2024.
Dagens Sotrabru sto ferdig i 1972, og 26.000 bilar passerer i døgnet. Kapasiteten er snart sprengt, og lange køar pregar kvardagen.
Sotrasambandet skal ha hatt den høgste prioriteten i Samferdselsdepartementet, og blir sett på som eit av dei viktigaste prosjekta i bergensregionen.
Prisen er anslått til å vera nærmare 6 milliardar kroner, og skal delvis finansierast med bompengar.
Politisk rådgjevar Laila Melkevoll i Samferdselsdepartementet, vil ikkje seie noko om saka.