– Me kan stadfesta at ein 42 år gammal nordmann omkom i Thailand i går. Dei pårørande er varsla, seier pressevakta i Utanriksdepartementet Svein Michelsen til NRK.no torsdag morgon.
42-åringen budde i Thailand, men er frå Skånevik i Etne i Sunnhordland. Han hadde framleis sterk tilknyting til Skånevik.
Motorsykkelulukka skjedde onsdag ettermiddag norsk tid, og skal ha skjedd i byen Buriram. Byen er hovudstad i Buriram-provinsen nordaust i Thailand
– Den norske ambassaden er klare til å hjelpa dei pårørande dersom dei måtte ønskja det, seier Michelsen.