Ein 10 år gamal dansk gut vart lettare skada då ei heisekran kom borti gondolen han sat i, slik at gondolen fall 10-15 meter rett ned.
Det var Tronrud Mjøsbygg som var ansvarleg for drift av krana.
– Har brote Arbeidsmiljølova
Politiadvokat Stine Rigmor Grimstad meiner at firmaet har brote Arbeidsmiljølova:
– Vi har foreteke ei vurdering ut ifrå dei krav som blir stilt i Arbeidsmiljølova, seier ho.
– I tillegg så har Arbeidstilsynet gitt ei tilråding som vi har funne grunn til å bygge på.
Ankar ikkje
Dagleg leiar i Tronrud Mjøsbygg, Jan Tore Sagbakken seier til NRK at han tykkjer bota er i høgste laget, men at dei ikkje kjem til å anka saka.
– Vi ser ikkje nokon anna moglegheit enn å leggje oss flate for myndigheitas konklusjon, seier han.