- Flaut med fattigdom i Noreg

I dag starter LO-kongressen, og eitt av krava hans er at regjeringa er meir offfensiv i satsinga på å redusere talet på fattige her i landet.

Lova å fjerna fattigdom

”Dette er en historisk dag”, sa statsministeren då regjeringa la fram si Soria Moria-erklæring der dei lova å fjerne fattigdomen.

Men leiar i Fagforbundet, Jan Davidsen, er ikkje nøgd med jobben regjeringa har gjort for dei fattige.

-Nei, dei har ikkje gjort nok når målet er å avskaffa fattigdomen, seier han.

Manar til ny kamp

For det er ingenting som tyder på at køen utanfor fattighuset blir kortare. Når arbeidsløysa aukar, vil denne køen heller vekse, fryktar den mektige fagforbundsleiaren, som har meir enn 300 000 arbeidstakarar i ryggen.

Under LO-kongressen manar han både LO og regjeringa til kamp mot fattigdom. Auka sosialsatar og meir bustøtte, er blant tiltaka Davidsen vil kjempe for framover.

(NRK)