Hopp til innhold

- "Norwenglish" bra for Noreg

- Det er bra at nordmenn ikkje blir tatt for å vera amerikanarar eller britar i internasjonal politikk, seier leiar i Sosialistisk Ungdom, Mali Steiro Tronsmoen.

Mali Steiro Tronsmoen
Foto: Pressebilde

I går langa professor Bernt Hagtvedt ut mot norske politikarar sin engelsk.

Les også: Flau over politikernes engelsk

Les også: - Engelsk er kjempevanskelig

Høyr ungdomspolitikarane ta NRK sin engelsk-test her.

Men Tronsmoen meiner særpreg berre er fint.

- Eg trur ikkje det er så ille som Hagtvedt skal ha det til. Erik Solheim er veldig god i engelsk, men ein kan utan tvil høyra at han er norsk. Det trur eg er like greit, fordi eg ønsker at Noreg skal ha ei sjølvstendig røyst internasjonalt, seier Mali Steiro Tronsmoen.

Fnyser av språkkritikk

Tronsmoen er nyleg utdanna lærar, og fnyser av Hagtvedt sin påstand om at engelskundervisninga på skulen straks bør styrkast for å sikra betre framtidige politikarar.

- Norske elevar er veldig flinke i engelsk, og generelt snakkar nordmenn vel så bra som folk i mange andre europeiske land, seier SU-leiaren.

Krev intensivkurs

Leiar i Fremskrittspartiets Ungdom, Ove Vanebo, er langt frå einig i at tilstanden er god nok. Han meiner alle med viktige politiske posisjonar straks bør få tilbod om engelskkurs.

Ove Vanebo, Fpu

- Dette er så alvorleg at noko må gjerast. Dei bør få tilbod om intensiv-kurs, alle saman, seier Vanebo.

Fpu-leiaren meiner likevel at ein bør kunna forventa meir frå folk som Stoltenberg eller Solheim, som begge har vore i norsk politkk lenge.

- Sjølv om eg meiner dei bør kursast, må kvar og ein ta ansvar for å betra uttalen sjølv. Dette heldt ikkje mål, meiner Fpu-leiaren.

Hør: Torbjørn Berntsen

Hør: Helen Bjørnøy

Hør: Musikkmontasje med Bondevik fra Ukeslutt i 1999

Hør: Kjell Magne Bondevik

Hør: Kåre Willoch

Hør: Erik Solheim om "sutring"

Hør: Jens Stoltenberg

AKTUELT NÅ

SISTE NYTT

Siste meldinger