Er skap og skuffer fulle?

Stadig fleire ynskjer eit alternativ til gåver i samband med merkedagar, jul og andre feiringar. No kan du gjera ein skilnad ved å oppretta di eiga innsamling på www.mininnsamling.no.

Ei annleis gåve

Kven som helst kan starta sin eigen innsamlingsaksjon på nettet til inntek for ei sak dei brenn for.

- Det er så enkelt og billig at du rett og slett ikkje har råd til å seia nei, seier Jan Olav Ryfetten, dagleg leiar i stiftinga Soria Moria.

Han legg til at det er ei sikker løysing der det er ikkje mogleg å bli svindla sidan pengane går rett ifrå givar til formål.

- Tek over for bøsseberinga

25 hjelpeorganisasjonar har til no signert avtale med Soria Moria stiftinga som er intiativtakaren bak "min innsamling".

- Me vil gjera folk merksame på at tilbodet finst og få dei til å bruka det, seier Ryfetten.

Han reknar med at 50 -100 organisasjonar kjem til å melda interessa si innan året er ommet og meiner det er ei satsing som på sikt vil ta over for den tradisjonelle bøsseberinga.

LES ÒG: Fritt fram for falske bøsseberarar

Dei ulike organisasjonane som støttar www.mininnsamling.no betalar 7000 kvar i året for på bruka løysinga.