Innvandrar-elevane taper i skulen

- Forskjellen i prestasjonar mellom norske elevar med norske foreldre og elevar med to utanlandsk-fødde foreldre tilsvarer to skuleår, forklarer forskar Astrid Roe til NRK.

Ho er ein av forfattarane bak den norske rapporten om PISA-testane, der elevar i 57 land har blitt testa.

Den internasjonale undersøkinga viser at Noreg er av dei landa der det er størst ulempe å ha innvandrar-bakgrunn i skulen.

Forskarane er usikre på kvifor det er slik. Det er store forskjellar på kva slags innvandrargrupper som bur i dei ulike landa, og det kan ligge forklaringar der. Men forskjellane kan også ha mykje med det som skjer på skulen å gjere.

- Tilsvarande grupper i Sverige skårar mykje betre. Dei som er fødde i Sverige av to utanlandske foreldre presterer like bra på skuletestane som norske majoritetselevar gjer, seier Roe.