Gasku márkana leat russat deaivvadan boradit ja suohtastallat. Biillat šuvihit ain miettá ja seavvelit vel sidjiide, russat maid sevvet ruovttoluotta ja buohkain buorre mokta.
- Dán mii dahkat vai márkka beassá oaidnit ahte mii eat leat ruovttus beivviid oađđemin eat ge dušše juga, muhto suohtastallat márkanis maid beaivit, muitala ruksesrussa "Sherlock" gii lea Elle Marja Shceie Anti.
- Leat čielggus olles russa-áiggi mun jáhkán lea oalle váttis russaide, dat lea várra dat váddáseamos "russeknute", muitalit nieiddat ja čaibmet.
Russat muitalit ahte sii leat álgán "russeknutain", ja leat omd. šaddan borrat bealle russekoartta, čohkkát beavddi vuolde skuvlladiimmus ja muhtimat leat maid cummástallan russepresideanttain.