Snart set kronprinsfamilien kursen mot hytta i Uvdal, medan kongeparet flytter inn på Kongsseteren for å feire jul.
Men før den tid var det tid for den årlege julefotograferinga av familien.
Trass i at det var seks grader og snøfritt i Oslo sentrum, mangla det ikkje på julestemning på Slottet.
Prinsesse Ingrid Alexandra og prins Sverre Magnus demonstrerte pynting av juletre og stilte opp på fellesfotograferinga. Førstnemnde aktivitet fall nok mest i smak.
Kronprinsesse på betringas veg
Det var lenge usikkert om kronprinsesse Mette-Marit ville bli frisk nok til å delta på årets fotoseanse. Men framgangen etter nakkeoperasjonen er god, og i ettermiddag var ho tilsynelatande i god form og poserte med prinsesse Ingrid Alexandra på fanget kledd i Hardanger-bunad.
- LES OGSÅ:
Kronprinsesse Mette-Marit vart operert for nakkeprolaps på Rikshospitalet 15. november. Knappe fire veker seinare var ho ute på sitt fyste offisielle oppdrag etter sjukefråværet, på Norad konferansen.
– Eg føler meg mykje betre, og det er eg takknemleg for, sa kronprinsessa då.
Nyoppussa
Dronning Sonja hadde på seg sin Telemark-bunad, medan herrane, inkludert prins Sverre Magnus, stilte i mørk dress.
Bileta vart tekne i den røde salong på Slottet, der også førre julefotografering fann stad i 2011. Sidan det er salongen pussa opp.
Prinsesse Ingrid Alexandra hadde på ein blå kjole i fløyel.
På hytta
No ventar julefeiring på hytta i Uvdal. Julaftan skal kronprinsfamilien til gudsteneste i Uvdal kyrkje.
Kongeparet tek imot prinsesse Märtha Louise og familien hennar på kongsseteren. Saman skal dei til juledagsgudsteneste i Holmenkollen kapell.
Sist prinsessa, Ari Behn og dei tre døtrene har julaftan med kongeparet var i 2010. Dei siste to åra har dei vore saman med Behn-familien.