– Vi er begge toppmotiverte for å gå på ein ny periode som nestleiarar, og vi er klare til å møte Arbeidarpartiet i valkampen til hausten, seier Sandberg og Solvik-Olsen i ei fråsegn frå partiet.
Per Sandberg har vore første nestleiar i sidan 2006. Han seier at han ikkje kan gi seg no, når så mange store politiske saker står i kø. Han nemner nye budsjett med skatte- og avgiftssletter og politi- og kommunereformene.
Sandberg rettar også kritikk mot Arbeidarpartiet fordi partiet gjennom åtte år i regjering ikkje har teke den tryggingspolitiske situasjonen, med stadig meir uro i verda, på alvor. Han peikar spesielt på framveksten av ekstrem islamisme.
Også dei tre andre sentralstyremedlemene i partiet som er på val har sagt at dei stiller seg til disposisjon for ein ny toårsperiode. Det er Robert Eriksson, Sylvi Listhaug og Helge A. Njåstad.
Landsmøtet i Framstegspartiet blir halde 1.–3. mai.
LES OGSÅ:
