Bergensaren har jobba i NRK sidan 1999, og han har vore knytt til politisk avdeling sidan midten av 2000. Han har vore reporter, programleiar i Politisk kvarter og seinare programleiar for partileiarutspørjingane før stortingsvalet i 2005.
Sidan har han hatt ulike leiaroppgåver i politisk avdeling. Først som reportasjeleiar og så redaksjonssjef. Utdanningsmessig han har ein master i journalistikk frå Universitet i Cardiff i Wales.
15 år i NRK
Statsminister Erna Solberg har rekruttert sin nye pressemedarbeidar frå NRK.
Foto: Åserud, Lise / NTB scanpix– Eg har jobba 15 år i NRK, i faktisk heile mitt vaksne liv. Det har vore fantastiske år, men no er det på tide å prøve noko nytt. Eg ser jobben på SMK som veldig spennande, og for eit politisk interessert menneske er det ein unik sjanse å få jobbe så tett på statsministeren, seier Rune Alstadsæter til NRK.no.
Han blir no ein av fem byråkratar i presseeininga på Statsministerens kontor. I tillegg er det også eit par som jobbar med presse også i politisk avdeling.
Rune Alstadsæter, som er gift tobarnsfar med det tredje barnet på veg, gler seg til å starte i jobben på SMK.
– Ein glitrande jobb
– Alle statsministrar eg har snakka med i min karriere som politisk journalist har rosa dei som har jobba på SMK. Så eg gler meg til å jobbe med den gjengen der, seier han.
Reportasjeredaktør i NRK, Alexandra Bæverfjord, seier at Rune Alstadsæter har gjort ein glitrande jobb for politisk avdeling i NRK, både som redaksjonsleiar og som redaksjonssjef.
– Eg beklagar at han sluttar, men ynskjer han lukke til med nye oppgåver, seier ho.
LES OGSÅ:
LES OGSÅ:
