– Vi bør alle ta ansvaret når folket ikkje har tillit til oss som politikarar. Eg tek også ansvaret, sa ho på NRK1 i kveld.
Drevland kom nyleg tilbake på jobb etter å ha vore sjukemeld i to månader.
Svekka tillit etter «cruiseskip-saka»
Ordføraren i Bergen hamna før sommaren i hardt vêr for sitt forhold til reiarlaget Viking Cruises. Hun sa ja til å vere gudmor for skipet «Viking Star». Reiarlaget betalte blant anna for ei reise til skipsverftet like ved Venezia. Ei reise som innebar både privatfly og luksushotell saman med sonen.
I etterkant rota ordføraren med faktaopplysningar om oppdraget, som førte til endå meir kritikk.
– Eg trur at den saka har mykje med den svekka tilliten å gjere, vedgjekk ho i valsendinga på NRK1 i kveld.
I tillegg vart mannen hennar, Odd Drevland, i mai dømt til fengsel utan villkår i to år og ti månader for underslag av 2,9 millionar kroner i forbindelse med hans tidlegare advokatverksemd.
- Les også: – 17. mai-feiringen er solgt!
– Trude er Trude
Det handlar om å byggje tillit heile tida, og vise det eg har gjort den tida eg har vore ordførar, fortalde Drevland.
– Eg må vise at Trude er Trude, og at Trude er den Trude ho har vore i tre og eit halvt år, før den saka, og ikkje den eg var i dei augeblikka, sa ho.
Ho sa at ut ifrå den måten bergensarane har møtt henne på, så viser bergensarane at dei er like rause som dei alltid har vore.