Traileren som er lasta med 24-25 tonn øl og vatn skulle til Ålesund, da den ved midnatt blei skubba ut av vegen.
Arbeidet med å tømme vogntoget for last har tatt tid. Klokka 14.45 tysdag opplyser politiet at traileren er fjerna.
Før det er tømt kan køyretøyet ikkje flyttast. Tysdag formiddag er eitt køyrefelt ope og politiet dirigerer trafikken forbi.
– Det tar litt tid å få tømt lasten, sa Steinar Waagan, som er direktør for termo og kontraktsavdelinga i DSV Road, som eig traileren.
Waagen var sjølv tilstades då arbeidet med å tømme lasta starta i natt.
– Det er veldig mange kolli og det må handlossast. Og dei kan ikkje ta bilen opp att før den er tom.
Lasta blei tysdag flytta over i ein annan trailer som er på staden.
To personar blei skadd
To personar blei sende til sjukehuset i Volda etter velten måndag, men legevakta opplyser at ingen av dei blei alvorleg skadde.
Seint måndag jobba brannvesenet med å samle opp diesel og hydraulikkolje som lak frå vogntoget.
Lange køar av vogntog
Svein Kvisvik frå Waage Transport (t.v.) og Bjørn Ellingsen frå Bring blei måndag kveld ståande å vente etter at eit vogntog velta på E39.
Foto: Magne KrumsvikDet var lange køar med andre vogntog som ikkje greidde å snu på Vartdal i Ørsta måndag kveld. Mange småbilar skal ha returnert, eller funne andre omkøyringar.
Vartdalstranda ligg på E39, berre eit lite stykke frå ferjeleiet Festøya, og det danna seg difor raskt køar på begge stader av traileren.
