Det er Norsk Institutt for Naturforsking som no kjem med ei uromelding. Oppdrettslaks brukar å kome seinare opp til elvane enn vill-laksen. Slik har det ikkje vore i år.
– Det er uvanleg at det kjem så mykje rømt oppdrettslaks så tidleg i sesongen. Oppdrettslaksen er heimlaus, og ventar ofte med å gå opp i elvane, seier forskingssjef Kjetil Hindar.
- Les også:
- Les også:
Det er i august oppdrettslaksen brukar å gjere sitt inntog i lakseelvane. Men i år er det fiska mykje oppdrettslaks heilt frå byrjinga av sesongen.
– Dersom vi no får eit stort innsig av oppdrettslaks til evar som vi trur er godt beskytta, er det urovekkjande, seier Hindar.
- Les også:
- Les også:
- Les også:
Ein god del av vassdraga har hatt mykje oppdrettslaks i lang tid. NINA er i ferd med å forske på situasjonen, og om kort tid kjem forskingsinstitusjonen til å presentere ein rapport om det som har skjedd.
– Vi ser at avkoma til oppdrettslaksen får ei anna livshistorie enn det villaksen har. Og den genetiske strukturen til villaksen ser ut til å bli endra som følgje av at oppdrettslaks gyt i elvane, seier Hindar.
– På lang sikt kan vi få ei utvasking eller ein reduksjon i dei enetisk baserte tilpassingane i kvart einskilt vassdrag, seier Hindar.
