Det slår Nordmøre tingrett fast i domsslutninga.
Den 35 år gamle kvinna på Nordmøre blei sikta 21. juni i år. I dag blei ho idømt 11 månader fengsel.
Underslo over to år
Kvinna var kasserar i eit idrettslag på Nordmøre, og no er ho dømt for grovt underslag av pengar.
I løpet av to år, frå 2009 til 2011, tok ho over 1,4 millionar kroner frå klubben.
Den sikta, som er tidlegare ustraffa, kom gav ei tilståing utan atterhald i retten.
I utgangspunktet er straffenivået – for grovt underslag av så store beløp – fengsel utan vilkår i eitt år og fem månader.
Den sikta fekk derimot strafferabatt, då ho tidleg erkjente straffskuld, og tilståinga medførte klar prosessøkonomisk gevinst. Difor fekk ho ein strafferabatt på om lag 1/3.
Utan tilståing seier retten at fengsel i eitt år og fem månader nok hadde blitt faktum.
Må betale tilbake
I tillegg til fengsel i 11 månader, må Nordmørs-kvinna betale tilbake dei underslåtte pengane.
I alt 1.365.992 kroner må betalast tilbake.
Kravet blei av retten sett på som utvilsamt. Oppfyllingsfristen er to veker.