Aldri før har det stått ein tom stol på podiet under utdelinga av Bjørnson-akademiet sin pris. Men i år er prisvinnaren berre med via direkte videooverføring. Sjølv tør han ikkje kome til Molde for å ta imot prisen.
– Det er lett å forstå. Han kan ikkje kome til Noreg. Dersom han kom i dag eller i morgon ville han mest sannsynleg blitt utlevert til USA ganske raskt, seier presidenten ved Bjørnson-Akademiet, Hege Newth Nouri.
Norske styresmakter vil ikkje garantere at Edward Snowden trygt kan kome til Noreg, utan å risikere å bli pågripen.
Nouri seier at Noreg bør vise litt musklar ovanfor storebror USA.
– Det hadde betydd mykje for sjølvstende til Noreg. Vi skulle sagt at vi ikkje kneler for dei, men heller vel å snakke om ytringsfridom, personvern og overvakingsproblematikken. Det er mykje viktigare enn forholdet vårt til USA, seier presidenten.
– Trur du han nokon gong tør å kome til Molde og Norge?
– Ja, det gjer eg.
Den anerkjende og kontroversielle amerikanaren, avslørte i 2013 at USA har drive massiv overvaking av eigne statsborgarar og andre statar.
- Les også:
- Les også:
Han får prisen fordi "han gjennom sine avsløringer har vist hvordan den elektronisk integrerte informasjonsverdenen kan være en trussel mot personlig integritet, men også mot ytringsfriheten".
Nektar å garantere for tryggleiken
USA har tidlegare bedt Noreg utlevere Snowden dersom han kjem til landet.
Men SV-nestleiar Bård Vegar Solhjell har fått lite støtte for sitt syn om å hjelpe Snowden, blant tungvektarane på Stortinget. Høgre sin Michael Tetzschner (H) har tidlegare sagt at dersom Snowden kjem til Noreg, bør han arresterast og utleverast til USA.
Også Ap-leiar Jonas Gahr Støre meiner det er vanskeleg om han som politikar skulle engasjere seg i eit slikt spørsmål.
- Les også:
- Les også:
På flukt i over to år
Snowden forlèt USA i mai 2013 med store mengder topphemmelege etterretningsdokument. Han hadde i fleire år arbeidd som datateknikar i CIA, og fekk etter kvart asyl i Russland. Amerikanske styresmakter meiner Snowden er ein spion.