Statens vegvesen fryktar at køane vert endå lengre i sommar og vurderer lysregulering.
Foto: Edmund MeyerTrollstigen i Rauma er ein av dei mest berømte vegstrekningane i Noreg, med sine 11 krappe svingar. Vegen har no fått status som nasjonal turistveg og opninga vart markert laurdag.
Det betyr meir marknadsføring og endå fleire turistar som vil køyre strekninga. Akkurat det bekymrar Statens vegvesen.
Trafikkork i svingane
Ivar Hol meiner det er på tide å vurdere lysregulering i Trollstigen.
Foto: Remi Sagen / NRK– Vi er redde for at vegen skal nå mettingspunktet. Når det nærmar seg 3000 bilar per dag er det fullt, seier seksjonsleiar i Statens Vegvesen, Ivar Hol.
No ser dei for seg lysregulering av vegen, med eit lys nedst på strekninga og eit øvst på platået. Hol ser for seg at når det er rundt 50 bilar i svingane, må dei andre vente på tur.
Stoppe og ta bilete
Mange stoppar i Trollstigen for å ta bilete, og det skal dei få halde fram med.
Foto: Steinar Vikås– Vi vil ikkje ta frå folk høve til å stoppe og nyte utsikta og ta dei bileta dei skal, forsikrar Hol. Han trur ikkje turistane vil lide noko naud, sjølv om dei må vente ei stund på grønt lys, før dei får starte køyreturen.
Hol meiner at turistane kan bruke utkikspunkta og nyte naturen, medan dei andre bilane får gjort seg ferdig med svingane.
Trollstigen vart opna av Kong Haakon VII i 1936, etter åtte år med vegbygging.
- Følg den fantastiske reisa her:
Geiranger og Trollstigen
