No skal Tresfjordbrua snart byggjast

No er det like før bygginga av Tresfjordbrua startar. Etter planen skal du kunne kjøre over fjorden i august 2015.

No er det like før byggjinga av Tresfjordbrua startar. Etter planen skal du kunne kjøre over fjorden i august 2015, men sjølv om anleggsstarten er like om hjørnet, vil det ta enda litt tid før vi får sjå brua reise seg.

Anleggsstart er like om hjørnet, men det vil framleis ta tid før vi får sjå brua reise seg.

Halgeir Brudeseth

Halgeir Brudeseth i Vegvesenet er klar for byggestart av Tresfjordbrua.

Foto: Jannicke Farstad / NRK

– Rett gjennom huset, og vidare mot sjøen.

Halgeir Brudeseth i Statens vegvesen viser kvar Tresfjordbrua startar og går. Ut i sjøen, og over Vikeskjeret.

På Vikebukt i Vestnes kjem den nye Tresfjordbrua på land. Både byggherre og entreprenørar har planen klar.

– I morgon kan entreprenørar starte opp i feltet. Men i første omgang blir det mest rigging, seier Brudeseth.

Tunnel og bru hand i hand

For litt under éin månad sidan starta arbeidet med Vågstrandstunnelen. No skal massen frå tunnelen brukast i bruprosjektet.

– No framover mot jul vil det bli fylt ut frå land og sjø, fortel Brudeseth til NRK.no.

Først i mars 2013 startar arbeidet med å støype solane til sjølve brua.

Dei som bur i området må då vente seg bråk på dagtid i eitt år framover. I august 2015 skal alt stå ferdig.

– Det er ei lang bru, 1,3 kilometer. Høgda blir om lag 40 meter, med ei seglingshøgde på 32 meter, fortel byggherre Sigmund Lønset.

Saka held fram under bildet.

Sigmund Lønset

Byggherre Sigmund Lønset gler seg til å få røyst Tresfjordbrua.

Foto: Jannicke Farstad / NRK

Bomprisane kan endre seg

Lønset fortel at det blir tofeltsveg, med gang- og sykkelveg ved sidan av.

Bomstasjonane i området, med Tresfjordbrua og Vågstrandstunnelen, skal fungere slik at dei i Tresfjord som køyrer inn og ut av bygda slepp å betale.

Satsane er sett til 80 kroner for Tresfjordbrua og 40 kroner for Vågstrandstunnelen. Dette kan derimot endre seg alt etter kva totalsummen på prosjektet blir til slutt.

Siste video/lyd

Dama vi skal møte no - selde huset, og tok med seg ektemannen på ein fjelltur som varte i eit heilt år.
No er ho heime for å fortelje om ekspedisjonen sin på Bjørnsonfestivalen i morgon - og på tirsdag får vi bli med på turen gjennom serien Eventyrjenter her på NRK.
I fjor miste han 75 geiter på beite. I år fekk han ikkje sleppe dyra til fjells.
I desse dagar er det mange som ser meir ned enn opp når dei er ute på fjellet. Bærplukking utviklar seg lett til ein lidenskap, og på Flø i Ulstein er det ført nøye statistikk over moltesesongane gjennom 25 år.