Etter ein åtte veker lang periode med ombygging på Fiskerstrand verft kom den fem år gamle Fjord1-ferja, «MF Fannefjord», tilbake i trafikk mellom Molde og Vestnes måndag.
Men måndag ettermiddag fekk ferja problem og Fjord1 måtte innstille to avgangar i rute 33.
Tekniske problem
Medan «M/F Fannefjord» prøvde det nye hybridsystemet dukka det opp ein feil og ferja måtte stå over ein rundtur.
– Vi prøver ut det nye systemet medan vi går i rute, men vi fekk ein feil som vi må få kontroll på, seier skipper Gjøris Eik til NRK.
Christine Hammersvik, som er driftsvakt i Fjord1, fortel at «M/F Fannefjord» har prøvekøyrd i helga, men vart sett i rute måndag.
– Vi har tre mann om bord som driv med feilsøking og vi håper dei finn ei løysing raskt.
Ferja ligg no utanfor Molde, medan feilen blir retta opp.