Rovdyra har teke mindre sau enn i fjor

Alle landets rovviltregionar meldar om ein rolegare start på beitesesongen enn i fjor.

I Møre og Romsdal er det so langt 20 sauer og lam som er dokumentert eller antatt tekne av rovdyr, dei fleste av ulv og nokre få av havørn. Det er 15 mindre enn under same periode i fjor.

Men det er endå tidleg å seie at beitesesongen blir ei roleg affære.

– Det er jerven som er det største problemet for beitedyra her i fylket, og den byrjar ikkje med vinterlagringa før utpå seinsommaren, seier fagkoordinator i fylkesmannen, Marianne Aas Halse.

Les og:

• Dette er den niende døde ulven i år

• Meiner ulven ikkje burde ha blitt skoten

Tatt seks jerv

Lars Olav Lund i Statens naturoppsyn seier dei har tatt ut totalt seks jerv i vår.

– Vi fekk oppdrag å ta to ynglelokalitetar i Trollheimen, som er prioritert beiteområde. Vi tok ut to hi, eit med tispe og to kvalpar, og eit med tre kvalpar.