Slik feirar Severin på Røneset 17. mai

Det såg stygt ut for finvêret då Severin Rønes og Jelena Aurora Mensah traska oppover fjellsida laurdag. Med tunge ryggsekkar fulle av god mat, norske flagg og fine klede var dei klare for å feire nasjonaldagen til fjells – trass i kald nordavind og regn.

• Sjå Severin i nett-tv her

Heldigvis vakna dei til strålande sol og eit utruleg vakkert Sunnmøre.

– Vi har ein heilt fantastisk 17. mai. Vi er heldige, fortel Severin.

Spretta sjampanjen

Dei har allereie spretta kaka og sjampanjen. Og no i ferd med å nyte rømmegraut og spekemat på Rønesfjellet i Sykkylven.

Kanskje ikkje ei tradisjonell 17. mai-feiring, men Severin og Jelena veit å gjere stas på nasjonaldagen sjølv til fjells. Finekleda er sjølvsagt med i ryggsekken.

– Det er viktig å gjere stas på denne dagen med flagg, fine klede og god mat. Vi koser oss og det er godt å kome seg litt opp i høgda, fortel ein nøgd Severin.

Rekordkort 17. mai-tog?

Dei fekk ikkje med seg det vanlege folketoget, men tog blei det likevel. I alle fall med tre personar.

• Les også: Severin: – Kjemien var der fra første stund
• Les også: Einebuar Severin viser draumelivet på TV

– Vi hadde kanskje det kortaste toget i Noreg på Rønesfjellet i dag. Eg, Jelena og NRK-fotografen.

Resten av dagen skal Severin og reisefølgjet ete godt, fyre i koia og nyte freden.

– Kanskje vi til og med får rusla oss ein tur bort til vatnet for å fiske.