30. august møtast Havilafjord og fylkeskommunen i Fjordane tingrett til sjøslag om Fjord1-salet. Til saman sju dagar er sett av til saka mellom Sævik-selskapet og Sogn og Fjordane fylkeskommune, skriv Nett.no.
Striden dreier seg om Havilafjord hadde forkjøpsrett då fylkeskommunen med ei røyst overvekt vedtok å selje sine aksjar i ferjeselskapet til Fjord1-konkurrenten Torghatten.
Alt om striden kan du lese her.
- Les også:
- Les også:
Meiner han har ei god sak
Konkurransetilsynet skal gi si avgjerd i saka denne veka, seinast torsdag, men Havilafjord vil uansett ha ei prinsipiell avklaring på dette, i forhold til Aksjelova og minoritetseigarane sine rettar.
– Vi meiner vi at vi har ei god sak, seier Per Sævik til Nett.no.
Om Havilafjord vinn denne saka, vil selskapet krevje at dei får kjøpe fylkeskommunen sin del av aksjane, slik at dei då blir eineeigar av transportselskapet.