Fredag ettermiddag døypte Farstad Shipping den nybygde båten «MS Far Sentiel» med ein liten, privat dåp ved hamna i Ålesund.
«MS Far Sentiel» går rett frå båtdåp til opplag.
Foto: Øyvind Berge Sæbjørnsen / NRK– Dåpen i dag er litt annleis enn ein båtdåp tradisjonelt ville gått føre seg.
– Sola skin, men det er ein kald trekk over skipsbransje, seier konsernsjef i Farstad Karl Johan Bakken.
Den økonomiske situasjonen i den maritime bransjen gjer at båten går rett i opplag.
- Les også:
Vanskelege tider
Bakken fortel at dei vanskelege tidene i den maritime bransjen gjer at dei valde å tone ned dåpen av den nye båten.
Konsernsjef i Farstad Karl Johan Bakken, seier at situasjonen i bransjen er krevjande.
Foto: Jannicke Susann Farstad / NRK– «Far Sentiel» er ein subseabåt knytt til olje- og gassproduksjon, og når eg seier det så skjønner dei fleste at her har vi ei utfordring, seier han.
Dette blir den fjerde båten Farstad må legge i opplag, og dei er ikkje aleine. Over 55 norske offshoreskip ligg no i opplag, og fleire reiarlag har måtte permittere tilsette.
– Det er ikkje vanleg at ein båt går frå dåp og rett i opplag. Det illustrerer kor krevjande situasjonen er no, seier han.
- Les også:
Hard konkurranse
Bakken fortel at situasjonen for den maritime næringa er utfordrande og at marknaden er tøft med stor konkurranse.
– Vi er rett og slett nøydd til å legge skip i opplag for å spare kostnadar. Vi har ganske god dekning for bruk av båtane, men det må lønne seg å ha dei i drift, seier han.
Likevel er det ikkje berre mørke skyer for selskapet. Nyleg kunne Farstad Shipping fortelje at to av dei tre skipa som har lege i opplag i Ålesund har fått nye oppdrag. Eit ankerhandteringsfartøy har fått ei toårs kontrakt i Brasil, og eit supplyfartøy skal til Nordsjøen.
– Det er usikre tider i den maritime bransjen, og uvissa er kor lenge dette vil vare, seier han.
- Les også:
- Les også:
