Reiser eins ærend til Mannen for å sjå han rase

Søndag kom regnet til Rauma, og enda verre ruskevêr skal det bli i starten av neste veke.

• Les også: NVE kaller inn til skred-møte: – Frykter langvarig evakuering

I Rauma stig spenninga i takt med nedbøren, og Østigård har parkert

nedanfor fjellet for å prøve å få med seg skredet. Men allereie etter ein halvtime begynte han å bli utolmodig.

– Eg er snart lei, så eg trur eg snart reiser heim.

– Når trur skredet går?

– Tysdag eller onsdag. Men eg blir ikkje sitjande så lenge. Eg får heller ta meg ein tur opp att tysdag, seier han.

• Les alt om Mannen-situasjonen her

Politiet i spissen

Norges vassdrags- og energidirektorat er i Rauma for å hjelpe Åknes/Tafjord Beredskap IKS og kommunen med Mannen-situasjonen.

Også politiet er på staden for å følgje med og kike på forholda. Dei er, slik som mange andre, spente på kva slags utslag regnet har på fjellet.

Og når fjellet startar å knake, og skredet rasar nedover dalen, er det politiet som står i spissen for eventuelt redningsarbeid.

– Vi har allereie sett opp nye skilt for å setje ned fartsgrensa. Forhåpentlegvis går det fint, seier innsatsleiar i politiet, Vebjørn Bale.

– Når trur du raset går?

– Når? Det er det store spørsmålet. Vi får sjå, seier innsatsleiaren.

I full beredskap

Ei heil kommune blei onsdag denne veka sett i full beredskap etter at Åknes/Tafjord Beredskap IKS varsla skredalarm ved fjellet Mannen.

Tidlegare har det blitt estimert at mellom 10-40.000 kubikk med stein kan rase ut. I den nyaste statusrapporten frå beredskapssenteret kjem det derimot fram at heile 120.000 kubikk med stein – altså tredobbel mengde – kan rase.

Ifølgje geologar vil lydar frå fjellet avsløre når skredet går. Fjellmassane beveger seg framleis rundt 7 mm i døgnet.

• Les fleire nyheiter

Geologane i området følgjer nøye med på utviklinga og har fleire gongar vore oppe i helikopter på synfaring for å utforske området.