Helse Møre og Romsdal får truleg ny styreleiar

Kvalshaug han ha berre tre veker igjen som styreleiar. Etter det Romsdals Budstikke erfarer, ser Helse Midt-Norge i ein annan retning.

Valkomiteen legg fram sitt forslag torsdag, men ikkje før 28. april blir det nye styret offentleggjort.

I januar 2011 vurderte Helse Midt-Norge å hente inn leiar for Helse Møre og Romsdal utanfrå. Det same vert spekulert i no.

• Les også: Helse Møre og Romsdal MÅ øke inntektene
• Les også: I dag skal dei kutte

Økonomiske problem

Inntektssvikt, høge varekostnader og stort forbruk av vikarar har vore gjengangarar for Helse Møre og Romsdal.

Kvalshaug har tidlegare sagt til NRK at den økonomiske situasjonen i helseføretaket er svært alvorleg. Det vert òg ei utfordring for det nye styret som skal veljast.

– Det blir ei kjempestor utfordring å få budsjettet i hamn. Helseministeren slo fast at dårleg økonomi ikkje er grunn til å gjennomføre kutt. Det gjer det ekstra vanskeleg, kommenterte styreleiar John Harry Kvalshaug under budsjettsforhandlingane før nyttår.