Moldejentene hadde ingen forhåpningar om å gå heilt til topps i si klasse i Norway cup. Før avreise bestemte dei at målet var å kome til A-sluttspelet og deretter ta ein kamp av gangen.
– Planen var at vi skulle bli betre for kvar kamp og eg er imponert. Jentene har hatt progresjon for kvar kamp, seier trenar Jørund Svensli.
LES OGSÅ:
At Moldejentene skulle vinne over det kanadiske laget Darlington Fusion S.C. hadde ingen av dei trudd. Kampen endte 0-0 og det måtte avgjerast med straffespark. Moldejentene vann til slutt 5-3.
– Det var stort. Eg trudde ikkje det skulle prege meg så gale, seier trenaren med gråten i halsen. Han innrømmer at han er lettrørt og at han grin etter sigeren.
No skal dei køyre heim til Molde i minibuss, men først skal laget stoppe og ete pizza. Jentene har feira sigeren i garderoba og om det blir meir feiring når dei kjem heim, veit ikkje trenaren.
Laget spelar i 2. divisjon og ligg som nummer tre.