Politiet fekk melding klokka 13.40 om ulukka – som skjedde mellom Bud og Harøysund i Fræna.
– Det er snakk om eit trafikkuhell på fylkesveg 664. Det er eit einsleg køyretøy som har køyrt av vegen, seier operasjonsleiar Rolf Anders Korstad til NRK.
18-åring som køyrde bilen har mindre personskadar.
– Han blei tatt til Molde sjukehus for sjekk, opplyser Korstad klokka 14.30.
Blankslitne dekk
Bilen til 18-åringen kom dårleg frå ulukka.
– Den må vi ha tauing på, for den er i ganske dårleg stand no, fortel Korstad.
Vegen er derimot ikkje steng på staden og trafikken går som vanleg. Årsaka til ulukka vil ikkje politiet spekulere for mykje i, men:
– Det er ganske så blankslitne dekk på bilen, spesielt bak. Så førarkortet til mannen blir beslaglagt.
Operasjonsleiaren opplyser til NRK at det er ein mann født i 1995 som var involvert i ulukka.
NRK følgjer saka.
