Mange på «heimeferie» i sommar

Ved Kviltorp Camping i Molde er det mange norske turistar. Det er vogner, bubilar, hytter og telt. Campingsjef Terje Nakken seier det knallgode vêret har ført til ein rekordsommar.

– Dette har vore vår beste sesong sidan vi starta opp for 60 år sidan, seier han og trur det har ein samanheng med det usedvanleg fine vêret vi har hatt i sommar.

– Blir det ein nedtur til neste år?

– Når vi har først fått ein så god sommar, så viser historia at vi får tre, fire slike somrar på rad. Neste år så trur eg vi får ein tilsvarande sesong, seier campingsjefen optimistisk.

Sjå meir i TV-reportasjen ovanfor.