Det var natt til laurdag at brannvesenet fekk melding om at den 140 år gamle trekyrkja i Rindal stod i brann. Vitne såg flammar velte ut av kyrkjetårnet. Det lokale brannkorpset kom raskt til staden og klarte å berge den gamle kyrkja frå å brenne ned.
No har politiet avslutta etterforskinga og konkludert med kva som var brannårsaka.
– Det er lynet som starta kyrkjebrannen, seier lensmann Helge Berg.
Det var usedvanleg mange lyn langs norskekysten i helga, og lynet vart tidleg peika på brannårsak.
