Mange stader i landet er det brannvesenet som kjem først fram når alarmen går. Eit av dei mest kjende døma er då politiet kom for seint under trippeldrapa på bussen i Årdal og dei andre nødetatene måtte gripe inn.
Stortingsrepresentant Jenny Klinge (Sp) er bekymra for at brannvesenet må ta seg av oppgåver som politiet skal gjere.
– Det vi høyrer frå brannvesenet rundt om i landet er at det har vore meir av det. Til og med husbråk og mistanke om promillekøyring, har brannvesenet rykt ut på, seier Klinge, som også er Senterpartiets juridiske talskvinne.
No har ho skrive brev til justisminister Anders Anundsen for å få svar på om dette er en forsvarlig beredskap.
Dirigerer trafikk
Malvin Husøy er underbrannmeister ved Molde brannstasjon.
Foto: Roar Strøm / NRKNår brannmenn rykker ut vet dei ikke om dei bare skal gjøre sine egne oppgaver eller om dei også må ta seg av politiet sine. Underbrannmesteren i Molde legg ikke skjul på at dette skjer ofte.
– Som regel dirigerer vi trafikk, seier Malvin Husøy ved Molde brannstasjon.
Han fryktar den dagen han kjem opp i meir dramatiske situasjonar og politiet ikkje er til stades. Husøy er sikker på at det kjem til å skje.
Er raskare enn før
Ingmar Farstad i Sunnmøre politidistrikt seier at politiet har blitt raskare til å rykke ut.
Foto: Lena Høyberg / NRKStabssjef ved Sunnmøre politidistrikt, Ingmar Farstad, seier at oppgåver som å dirigere trafikk når det skjer ei ulukke, kan brannvesenet ta fordi dei ofte kjem først til staden. Spesielt ute i distriktet.
– Eg er ikkje betenkt over at dei tar slike oppgåver, men politioppgåver skal utførast av politiet, seier Farstad. Han har vore i kontakt med fleire brannsjefar i dag, som påstår at politiet er raskare på staden enn før.
