Kan bli verdsmeistrar i undervassrugby

– Både herrelaget og damelaget er forsvarande verdsmeistrar, seier trenar og spelar på herrelandslaget til Noreg, Iver Bjørnerem.

Moldensaren er i Cali i Colombia der den tiande verdsmeisterskapen i undervassrugby blir arrangert i år. Førre VM var i 2011 i Finland, og då stakk både herre- og damelandslaget til Noreg stakk av med gull.

– Det vil vera skuffande å ikkje kunne ta gull igjen, seier Bjørnerem.

• To norske VM-gull i undervannsrugby

Gode motstandarar

Colombia er det einaste landet utanfor Europa som har arrangert VM i undervassrugby, og sist dei arrangerte VM var i 1995.

Året 1995 er også det einaste året utanom 2011 at Noreg har tatt gull, og då var det Noreg sitt damelag som stolt kunne ta med seg medalje heim.

Årets VM starta sundag, og damelaget spelar første kamp mot Tyskland måndag, medan herrelaget spelar første kamp mot Colombia tysdag. Før spelinga er det ein del omstillingar for spelarane.

– For mange er det veldig nytt å reise til eit nytt kontinent og tilpasse seg til dømes varme og tidsforskjell, rett og slett eit nytt klima, seier Bjørnerem.

Han seier at det er nokon motstandarar som kan hindre dei norske laga i å ta gull.

– Tyskland og Colombia er kanskje rekna som dei aller tøffaste motstandarane, og Sverige og Danmark er ganske gode, seier han.

• Hun er den store stjernen i «verdens tredje rareste idrett»
• Norges ukjente verdensmestere

Mange frå Molde

Bjørnerem som er både trenar og spelar på herrelandslaget synest ikkje det å ha to roller er noko som byr på store utfordringar.

– Mykje av styrken med laget er at det er eit lag som går av seg sjølv. Dei veit kva dei skal gjere, så det er ikkje ei veldig stor utfordring, seier han.

Og med seg på laget har han mange spelarar frå heimfylket.

– Me er ganske mange med tilknyting til Molde-laget. På herrelaget har me ti stykk som har spelt eller spelar på Molde. På damelaget er det fire eller fem frå Molde, seier han.

Noko av årsaka til at mange spelarar frå Rosenes by hamnar i landslagstoppen trur trenaren skuldast eit godt samarbeid med symjeklubben i Molde.

– I miljøet har me også mange som me kallar kontinuitetsberarar som har vore med i mange år, så det her er ein sport der unge og gamle finn saman, seier han.

• I verdenstoppen under vann

– Det tar på

Undervassrugby er uoffisielt kåra til «verdas tredje raraste sport» av Business Insider, og Bjørnerem seier det kan vera ei krevjande sport, for dei er lenge under vatn.

– Eg vil tore å påstå at det er krevjande, for ein straffesituasjon er 45 sekund, og det tar på. Alt skjer med høg puls, seier han.

– Og inkje mindre enn gull skal de komme heim med i bagasjen?

– Me kryssar fingrane for det, seier han.

Kampane blir sendt direkte på heimesidene til arrangøren.

SJÅ OGSÅ:

SJÅ OGSÅ: