Politi og sivilforsvar er igjen på plass på Horgheim i Rauma etter at farenivået for ras frå fjellet Mannen i går vart heva til raudt, som er det høgste farenivået for ras. Folk og dyr er evakuerte frå området.
Regnar kraftig
Innsatsleiar Vebjørn Bale har høyrt drønn og steinsprang frå fjellet i natt.
Foto: Roar Strøm / NRKDet har vore kraftige regnbyger i området i natt, og det er nedbør som gjer at rørslene i fjellet har auka siste tida. Innsatsleiar Vebjørn Bale i Nordmøre og Romsdal politidistrikt stadfestar at det har vore fleire steinsprang frå fjellet i natt.
– Det har vore ei forholdsvis roleg natt, men vi har høyrt det har rulla stein i fjellet, seier han.
Beredskapsmøte i dag
Både Rauma kommune og Møre og Romsdal fylke skal ha beredskapsmøte i dag.
– Evakueringa i går gikk veldig bra, takka vere ein kjempeinnsats frå dei som måtte evakuere fekk vi både folk og dyr ut av området raskt. No er det berre veret og utviklinga i fjellet som avgjer kva som skal skje vidare i området, seier ordførar Lars Olav Hustad til NRK.
Her kan du følge med på det som skjer i det rasfarlege området.
