Fiskarlaget er skeptisk til innføringa av ein ny app, som skal brukast til fangstrapportering. På søndag byrjar fangstrapporteringa å gjelde for båtar mellom 13 og 15 meter.
- Les også:
Fylkesleiar i fiskarlaget, Ole Morten Sorthe, meiner direktoratet har for stort hastverk i denne saka.
Leiar i fiskarlaget, Ole Morten Sorthe, vil at fiskarane skal bli følgt opp nærmare før appen blir innført.
Foto: Ole-Ottar Karlsen Høgstavoll / NRK– Direktoratet bør utsette innføringa av denne løysinga fram til alt fungerer skikkeleg.
Vil prøve seg fram
Han vil at fiskarane skal få betre oppfølging i overgangen til elektronisk fangstrapportering.
– Dette er nytt for veldig mange, og folk må få prøve seg litt fram, seier fylkesleiaren.
Det var Fiskeribladet Fiskaren som først omtalte denne saka.
- Les også:
Kystfiske-appen vekker reaksjonar blant fiskarane. Ordninga er kalla «Forskrift om elektronisk rapportering for norske fiske- og fangstfartøy under 15 meter». Eit langt namn om ein komplisert app, meiner mange.
Sorthe presiserer at fylkeslaget ikkje er imot ei elektronisk fangstrapportering, men synest det skulle vore mogleg å laste ned hjelpemiddelet både på nettbrett og pc, ikkje berre på smarttelefon.
Vil vente med kontrollering
Fiskeridirektøren seier at dei ikkje kjem til å starte med kontrolleringa med det same.
Foto: Gorm Kallestad / ScanpixFiskeridirektør Liv Holmefjord kjenner seg ikkje igjen i kritikken. 1. februar blir appen innført, men direktoratet vil vente med kontrollane.
– Det skal vere ei gradvis tilvenning til den enkelte fiskaren. Vi kjem ikkje til å handheve meldeplikta med det same, og når vi startar med å handheve reglane kjem vil til å ha ein tett dialog med næringa sine organisasjonar.
Holmefjord kan ikkje seie når den elektroniske fangstrapporteringa kjem til å bli kontrollert. Det kjem an på kva for erfaringar dei gjer seg etter 1. februar.
