– Eg kan forsikre at ordninga med ferjeavløysingsmidlar kjem til å gjelde i 40 år framover, og ikkje i 30 slik det kjem fram i det revidert nasjonalbudsjett og kommuneproposisjonen for neste år, seier Frank Sve (Frp).
Han seier det alt er politisk avtalt mellom regjeringa og samarbeidspartia i Stortinget, at pengane skal betalast ut til fylka i 40 år.
– Det er klokkeklart at det blir ei ordning som skal vare i 40 år, slår han fast.
Frank Sve frå Framstegspartiet garanterer at fylka kjem til å få pengar tilført i 40 år, dersom dei går over frå ferjedrift til fastlandssamband på strekninga.
Foto: Lena Høyberg / NRK- Les også:
Som riksvegar, så fylkesvegane
Sve gjekk alt sist veke ut og sa at pengane som elles ville ha blitt brukt på drifta av ferjene, kjem til å bli med på lasset i 40 år når vegar, bruer og tunnelar erstattar ferjer på fylkesvegane.
Ordninga som regjeringa no foreslår, har til no berre eksistert for riskvegar.
– No vil altså at same ordninga også gjelde for fylkesvegar, seier Helge Orten, stortingsrepresentant for Høgre.
Også Orten stadfester at ordninga skal gjelde i 40 år etter avtale mellom dei fire samarbeidspartia på Stortinget.
Helge Orten, Høgre, meiner det er svært viktig at ordninga med ferjeavløysingspengar vil vare i 40 år.
Foto: Trond Vestre / NRKViktig verknad
Pengane som elles ville gått med til ferjedrift, utgjer i snitt 15 millionar kroner årleg pr. ferje, stadfester Frank Sve. Desse pengane får fylka behalde når dei bygg fastlandssamband i til erstatning for ferjer.
Dette betyr store summar til utbygginga av både Nordøyvegen og Storfjordsambandet, meiner han..
– For Nordøyvegen kan det bety minst 30 millionar kroner i året eller meir.
Også for andre, nye prosjekt der ferjer kan avløysast av vegar, bruer eller tunnelar kan dette betyr mykje, meiner frank Sve.
- Les også:
Positivt
Oddbjørn Vatne, Senterpartiet og leiar i Samferdsleutvalet er nøgd med at ordninga også tek høgde for prisauken dei komande 40 åra.
Foto: Malin Kjellstadli Korsnes / NRKOddbjørn Vatne (Sp) som er leiar i samferdsleutvalet i Møre og Romsdal, er glad for at ordninga kjem til å gjelde i 40 år. Slik han oppfattar det, blir ordninga også indeksregulert.
– Det er også svært viktig og avgjerande at vi får eit system med indeksregulering. Då beheld vi pengeverdien i åra framover, og unngår negative konsekvensane av kostnadsutviklinga, seier Vatne.
Helge Orten meiner også det er svært viktig at realverdien av avløysingsmidlane skal blir indeksregulert.
– Effekten av å utvide ordninga til 40 år, blir dermed at fylka får auka inntekter knytte til ordninga, seier han.
- Les også:
