Etter eitt år på ukjend adresse har katten Pussi endeleg blitt foreint med eigaren sin.
Hannkatten hadde vandra rundt i eit byggefelt i Ørsta då Carl-Åge Henriksen fekk auge på han.
– Eg hadde sett han vandre rundt her eit par gongar. For nokre dagar sidan låg han på platten utanfor her, og ein kunne sjå at han hadde det vondt, seier Henriksen.
- Les også:
La ut bilete på Facebook
Då bestemte Henriksen seg for å legge ut eit bilete av katten på Facebook i håp om at nokon ville kjenne han att.
Hege Kristin Svanøy hadde gitt opp håpet om å sjå katten sin igjen då ho søndag kom over eit bilete av han på Facebook.
– Eg tenkte herregud det er jo katten min, seier Svanøy og ler.
Ho var ikkje i tvil om at katten på bilete var hennar.
– Eg kjende han att på flippen på øyra. Det kom som eit sjokk, men eg er veldig glad for at han er tilbake, seier Svanøy.
- Les også:
Har tatt forholdsreglar
Tysdag var katten Pussi tilbake i heimen etter eitt år på eventyr. Godt plassert på sofaen likar han seg best innandørs hos matmor.
Og det går nok ei stund før han vert sleppt ut igjen.
– Det blir nok ikkje med det første nei, seier Svanøy og klappar katten på hovudet.
Og denne gongen har matmor tatt sine forholdsreglar dersom katten skulle forsvinne igjen.
– No har han fått ein chip slik at eg kan spore han opp, seier Svanøy og smiler.
Del gjerne dine beste dyrehistorier med oss på: mr@nrk.no
- Les også: