Hittil har over 50 kommunar i landet hatt folkeavstemming om kommunesamanslåing. I dag er det innbyggjarane i 13 sunnmørskommunar som skal seie sitt. Ålesund har fridd til ni kommunar på nordre Sunnmøre og vil danne ei stor regionkommune. Ålesund har ikkje folkeavstemming i dag, men har gjennomført ei innbyggjarundersøking. Resultatet frå den vert klar først 20. mai.
25. april hadde innbyggjarane i Romsdal og på Nordmøre folkeavstemming. Der var folket i dei små kommunane heilt klar i talen. Dei ynskte ikkje å bli ein del av store kommunar.
Dei to andre storkommunealternativa på Sunnmøre er Runde kommune (Hareid, Herøy, Sande, Ulstein og Vanylven) og Storfjord kommune (Skodje, Norddal, Stordal og Ørskog).
Nedanfor er alternativa sunnmøringane kan stemme på. Dei kan også stemme blankt og enkelte kommunar har lagt inn «Eg veit ikkje», som svaralternativ.
Giske
- Region Ålesund (Ålesund, Giske, Sula, Haram, Sandøy, Ørskog, Stordal, Skodje, Sykkylven og Hareid)
- Eigen kommune
Sula
- Region Ålesund
- Eigen kommune
Haram
- Region Ålesund
- Haram/Sandøy
- Eigen kommune
Sandøy
Sandøy har ikkje folkerøysting, men har utført ei innbyggarundersøking. I denne undersøkinga vart folk også spurt om korleis dei stiller seg til samanslåing med Haram dersom Nordøyvegen ikkje blir realisert.
Her er også spørsmål om korleis dei stiller seg til regionkommunen Ålesund dersom nokon av dei andre kommunane ikkje blir med.
I tillegg fekk innbyggjarane spørsmål om kva dei tykkjer om at Sandøy, Orta og Ona eventuelt blir ein del av Aukra/Romsdal.
Skodje
- Region Ålesund
- Landkommune (Skodje, Ørskog, Stordal og Norddal)
Kommunen har i tillegg hatt ei innbyggjerundersøking.
Ørskog
- Region Ålesund
- Landkommune
Ørskog har ikkje berre folkerøysting. Denne kommunen gjennomfører ei høyring og har lagt ut skjema for høyringa på dei kommunale nettsidene. Høyringa er basert på at innbyggjarane sjølve tek initiativ til å svare på spørsmåla i høyringsskjemaet.
Stordal
- Region Ålesund
- Landkommune
- Eigen kommune
Norddal
- Landkommune
- Eigen kommune
Ørsta
- Ja til Volda
- Nei til Volda
Volda
- Ja til Ørsta
- Nei til Ørsta
Ulstein
- Runde kommune
- Eigen kommune
Kommunen har i tillegg hatt ei innbyggjerundersøking.
Herøy
- Runde kommune (Hareid, Herøy, Sande, Ulstein og Vanylven)
- Herøy/ Sande
- Eigen kommune
Hareid
- Runde kommune
- Region Ålesund
- Eigen kommune
Sande
- Runde kommune
- Eigen kommune
Stranda
Stranda skal ha ei innbyggarundersøking seinare. Stranda har to alternativ:
- Eigen kommune
- Stranda/Sykkylven
Sykkylven
Sykkylven kommune har utført ei innbyggarundersøking, men dei vil vente med å publisere resultatet til innbyggarundersøkinga i Stranda er klar tidleg i juni. Sykkylven har tre alternativ:
- Region Ålesund
- Stranda/Sykkylven
- Eigen kommune