Det er lang tradisjon for at natt til 1. mai er prega av fest og fyll. Måndag kveld fryktar dei frivillige i Kringstadbukta i Molde kva natta vil føre med seg. For Dagmars herjingar førte til omfattande dugnadsinnsats, men festen sist helg tok kaka.

Ole Wille - Ole Wille er ein av dei frivillige som har rydda i Kringstadbukta etter Dagmars herjingar. No fryktar han natta. - Foto: Omar Sejnæs /

Ole Wille er ein av dei frivillige som har rydda i Kringstadbukta etter Dagmars herjingar. No fryktar han natta.

Foto: Omar Sejnæs

- På marka låg det fullt av plastposar, knuste flasker, ølboksar og eit griseri utan like, seier Wille.

Les også:

50 ungdomar raserte

For det var eit trist syn som møtte Ole Wille og dei andre frivillige, som kom til Kringstadbukta i Molde søndag. Då hadde over 50 festglade ungdommar rasert området, som dugnadsgjengen hadde brukt månader på å rydde.

- Først i forrige veke var vi ferdige, så får vi dette, det er liksom "takk for strevet", sukkar Ole Wille. Inne på toalettet oppdaga dei at taket var brote opp, truleg i eit forsøk på å kome seg vidare inn i kafeen.

Sjå heile tv-saka frå sendinga klokka 18.40:

Video Hærverk i Kringstadbukta - Foto: Nyhetsspiller /

Hærverk i Kringstadbukta sist helg.

Grur seg til natta

1. mai er tradisjonelt startskot for russefeiringa i landet. I tillegg er mange andre unge gjerne ute i vårnatta. Det kan medføre ein del bråk og hærverk.

Hærverk på toalettet i Kringstadbukta - Slik såg taket ut inne på toalettet i Kringstadbukta etter festen sist helg. - Foto: Omar Sejnæs /

Slik såg taket ut inne på toalettet i Kringstadbukta etter festen sist helg.

Foto: Omar Sejnæs

- Vi vil jo appellere til både dei som skal til Kringstadbukta, og til foreldra, om å ta meir ansvar, seier Wille. Han seier kreftene ikkje strekk til, dersom hærverket held fram.

Les meir om den "frykta natta":