Ruta mellom Ålesund og Gdansk blei presentert 13. september i år. Etter planen skulle ruta ha 2 avgangar i veka og ta til 1. april 2013.
– Det er så stor interesse for den nye flyruta, at Wizz Air har bestemt seg for både å framskunde starten, og å auke talet på avgangar frå 2 til 3, seier lufthamnsjef Tor Hånde.
Tor Hånde er lufthamnsjef på Vigra.
Foto: Alf-Jørgen Tyssing / NRKWizz Air tek til med flygingane frå 14. mars 2013. Avgangane frå Vigra til Gdansk blir klokka 16.05 på tysdagar, torsdagar og laurdagar.
– Flyturen skal bli billigare enn turen med den lokale flybussen frå Ålesund til Vigra, sa Stijn Vandermoere då ruta blei presentert i september.
Wizz Air skal flyge passasjerane mellom Noreg og Gdansk for ein billegare penge enn det kostar å ta den lokale flybussen, seier Stijn Vandermoere.
Foto: Alf-Jørgen Tyssing / NRKEi av årsakene til den sterke satsinga på Noreg er det aukande talet på arbeidarar frå Polen i norsk industri og byggjeverksemd. Dette har vore særleg utslagsgjevande i satsinga på Ålesund og Vigra. I dei omkringliggjande kommunane er det eit stort polsk innslag i verftsindustrien.
– Det er svært mange polske arbeidarar i dette distriktet. No får dei ein mykje enklare måte å reise fram og tilbake mellom Noreg og Polen. Vi har heile tida meint det er grunnlag for ei rute mellom Noreg og Polen, på grunn av dei mange polske arbeidarane i området, sa Tor Hånde.
